Мојот пристап:

Часовите ги водам со многу љубов, разбирање и емпатија за клиентот. Секогаш знам да се адаптирам според вашите потреби, ниво на подготовка или моментална состојба. Верувам во прецизност и професионалност, но истовремено сакам секој од вас да се чувствува поддржано, прифатено и сигурно.

Моето искуство:

Повеќе од 15 години пилатесот е дел од мојот живот, не само како вежбање, туку како целосна филозофија и начин на живеење. Веќе 12 години активно работам како пилатес инструктор и со многу голема љубов ги водам часовите и уживам максимално во нив, помагајќи им на стотици жени да се чувствуваат посилни, посигурни, посамоуверени и поздрави.

Мојата цел:

Сакам да го споделам моето знаење и искуство, да ве мотивирам да се грижите за себе и вашето здравје, и преку движењето да го подобрите квалитетот на вашиот живот.

Со мојата професионална надградба како магистер по фармација и диететика, заедно со долгогодишното искуство во Pilates, создадов комплетен пристап кон здравјето и добросостојбата. Овој холистички начин на работа ми овозможува да гледам на телото и здравјето од повеќе агли и да ви понудам поддршка што е многу повеќе од обично вежбање.

Верувам дека пилатесот не е само тренинг, туку патување кое носи физичка и ментална сила, свесност и стабилност.