Добредојдовте во FitLife Reformer Studio, место каде љубовта кон движењето и стручноста
се спојуваат за да ве инспирираат и трансформираат.
Што е Reformer Pilates?
Реформер Пилатес е метод развиен од Јозеф Пилатес уште за време на Првата светска војна. Во тој период, тој во импровизирани услови го направил првиот реформер со идеја да ги рехабилитира и зајакне повредените војници.
Оваа оригинална цел ја доловува суштината на реформерот и денес: да им помогне на луѓето да ја подобрат својата сила, стабилност и контролата врз телото, без разлика на нивната форма, возраст или искуство.
За разлика од мат Пилатесот, каде што работиме само на подлога, реформерот нуди поддршка и отпор во исто време. Тоа овозможува подлабока активација на мускулите, подобрување на држењето, јакнење на јадрото и развивање на долги, издолжени мускули.
Реформер пилатесот е наменет за сите, од почетници, до луѓе со болки во грбот, трудници, жени после породување, до професионални спортисти и оние кои сакаат предизвици. Не е потребно да сте „ фит“ за да започнете. Напротив, реформерот е алатка која ќе ви помогне да го изградите телото свесно, безбедно и функционално.
Нашите тренинзи се индивидуално прилагодени во мали групи, со акцент на контрола, квалитет и безбедност, под водство на стручно обучени инструктори по принципите на Balanced Body® методологијата.
Реформер Пилатесот не е само тренинг, тоа е доживување кое ќе ве научи да го чувствувате и разбирате вашето тело на едно ново, подлабоко ниво.
Зошто Fitlife Reformer Studio?
Нашиот тим е едуциран и работи по принципите на Balanced Body® методологијата, со постојана стручна поддршка. Со долгогодишно искуство и длабоко разбирање на телото, ја комбинираме науката, движењето и личниот пристап за да создадеме безбедно, квалитетно и инспиративно искуство за секого.
Закажете час
Програми и тренинзи
Во FitLife Reformer Studio работиме во мали групи (максимум 6 лица). Достапни се и индивидуални или полуиндивидуални часови (со две лица).
Знаеме како да го адаптираме секој час според вашата моментална подготовка и физичка состојба, без разлика дали сте почетник или искусен вежбач. Со долгогодишно искуство и стручен пристап, секогаш нудиме варијации и алтернативи, за да го добиете максимумот од тренингот и да се чувствувате безбедно и мотивирано.
Часовите кај нас се внимателно и прецизно осмислени. Во секој час се трудиме да ја задржиме флуидноста на движењата, да создадеме баланс меѓу силата, стабилноста, мобилноста и флексибилноста и да понудиме искуство што го активира цело тело.
Види распоред